Bashkëpunimet me partnerë të huaj në fushën e arsimit, e bëjnë  UNIVERSITETIN KRISTAL të hapur ndaj dinamikave të zhvillimit të arsimit dhe shkencës me synimin dhe ambicien për të ndërtuar ura bashkpunimi në Europe dhe botë, duke përqafuar filozofinë drejt një të ardhme ku dija dhe shkenca nuk njeh kufi, por zhvillim, arritje dhe kontribut në dobi të publikut.

UNIVERSITETI KRISTAL ka nënshkruar marrëveshje bashkëpunimi,  me disa universitete ndërkombëtare si dhe institucione akademike.

Prej disa vitesh Drejtoria e Marrëdhënieve me Jashtë punon për vendosjen e lidhjeve me Universitetet e huaja, si dhe është angazhuar në zbatimin e disa marrëveshjeve të lidhura me disa universitete perëndimore. Kjo drejtori ka zhvilluar dhe planifikon në kalendarin e saj një seri aktivitetesh në kuadrin e Rrjeteve Universitare Evropiane, Ballkanike dhe më gjerë.

Ajo është e përfshirë në zbatimin e disa projekteve ndërkombëtare, në të cilat merr pjesë Kompania “KRISTAL”, në përputhje me ligjet e Shtetit Shqiptar. Kuadri i aktivitetit të saj përmbledh vendosjen e lidhjeve ndëruniversitare, me synim nënshkrimin e marrëveshjeve dypalëshe apo shumëpalëshe, hartimin, ndjekjen dhe zbatimin e projekteve të planifikuara, të cilat gjejnë më pas miratimin nga ana e titullarit akademik të UK.

Kjo drejtori ndjek zbatimin e marrëveshjeve ndëruniversitare, të cilat konkretizohen në programe aktivitetesh apo shkëmbime me universitetet që janë pjesë e marrëveshjeve. Në aktivitetin e saj Drejtoria e Marrdhënieve me Jashtë shënon zhvillimin e disa programeve, në bashkëpunim me universitetet brenda dhe jashtë vendit.

UNIVERSITETI KRISTAL është pjesë e disa programeve ndërkombëtare në kuadrin e projekteve të Qeverisë Shqiptare, të cilat ndiqen nga kjo drejtori. Ajo synon të zgjerojë bashkpunimin duke krijuar lidhje të reja në kuadrin e Rrjeteve Universitare Europiane e Ballkanike.

Kjo drejtori është fokusuar në krijimin forcimin e bashkëpunimeve me botën Universitare brenda dhe jashtë kufijve të vendit, për të krijuar hapsira dhe mundësi komunikimi dhe bashkëpunimi që pëcjellin zhvillimet e fundit të qarqeve akademike, si dhe duke afirmuar dhe bërë të njohur angazhimin dhe kontributin e UNIVERSITETIT KRISTAL në zhvillimin e arsimit jo publik universitar në Shqipëri.

UNIVERSITETI AUBURN, USA