Universiteti Kristal u themelua në vitin 2005 nga Kompania KRISTAL me idenë dhe vullnetin arsimdashës të Presidentit të saj z.Ahmet Muçaj. Pas krijimit dhe zhvillimit të Kolegjit KRISTAL, në vitin 1999 presidenti Muçaj, me energjinë dhe ambicjen e një sipërmarrësi me vizion, investon në fushën e arsimit. Sistemi egzistues bënte të domosdoshëm nevojën për iniciativa private të rëndësishme në këte fushë. Ndërtimi i kampusit dhe konviktit në Tiranë nisi në vitin 2003 – 2004. Në vitin 2005 me vendim të Ministrisë së Arsimit dhe Shkencës u themelua Universiteti, si një institucion jopublik i arsimit të lartë. I vendosur në periferi të kryeqytetit në një konceptim bashkëkohor, UNIVERSITETI KRISTAL është ndër të parët universitete jopublikë në vend, që vjen si një iniciativë e sipërmarrjes së lirë, mbështetur në filozofinë se arsimi do të na çojë drejt dijes, përparimit dhe mirëqënies.
Nisur nga kjo filozofi si dhe nevojat për arsimim dhe ngritje profesionale edhe në rrethe të tjera ai shtrihet nga Tirana, në Fier, Korçë, Kukës dhe Përmet.
Pesë Kampuset Universitare e bëjnë pas më shumë se një dekade UNIVERSITETIN KRISTAL, një nga liderët e arsimit të lartë jopublik në Shqipëri, në disa disiplina studimi si në ato: Mjekësore, Juridike, Ekonomike, Inxhinierike, Shoqërore, Kulturore dhe Artistike.
Universiteti vjen si një hapësirë moderne për studime akademike dhe punë kërkimore – shkencore, me dyzet e dy programe studimi, me një staf të shkëlqyer pedagogësh, me tituj dhe grada shkencorë, emra të botës akademike të tillë si: Rektori i UNIVERSITETIT KRISTAL, Profesor i Asociuar. Dr.Skënder KËRÇUKU , Profesor Emeritus, Dr. Hektor ÇOÇOLI, Prof. Dr. Aristotel PANO, Prof. Dr. Luan KARÇANAJ, Prof. Dr. Jakup AGALLI, Dr. Arben LLOJA, Artisti i MERITUAR Agim KRAJKA, etj.
UNIVERSITETI KRISTAL konturon çdo ditë profilin e tij, duke ndërthurur traditën akademike të vendit me dinamikat bashkëkohore të zhvillimit të botës universitare, përmes shkëmbimeve ndërkombëtare, duke rritur dhe konsoliduar kështu eksperiencën 10 - vjeçare në fushën e arsimit, të Kompanisë Arsimore "Kristal", pjesë e së cilës është edhe UNIVERSITETI KRISTAL .
Studentë shqiptarë dhe internacionalë, auditorë dhe salla studimi bashkëkohore, laboratorë moderne, fondi i pasur i bibliotekës, komunikimi në internetit falas, ambientet sportive zbavitese, qendra shëndetësore, akomodimi si dhe transporti falas me kryeqytetin, të gjitha këto, ofrojnë një ambient multikulturor dhe një larmi shërbimesh, që e bëjnë UNIVERSITETIN KRISTAL një mundësi përzgjedhjeje në shtatë fakultetet. UNIVERSITETI KRISTAL mbështet përmes politikave sociale dëshirën dhe vullnetin për dije edhe për shtresat në nevojë ekonomike. Studentët janë të lirë të mendojnë, të konstruktojnë gjykimin e tyre, duke marrë përgjegjësitë qytetare, në përmbushje të ëndrrës për një shkollim të standarteve perëndimore dhe përgatitje për karrierën e ardhshme profesionale.
