Për t'u punësuar në Universitetin Kristal procedohet si më poshtë:

1. Dorëzohet kërkesa dhe CV e aplikantit nëpërmjet postës elektronike apo dorazi pranë Drejtorisë së Burimeve Njerëzore.
2. Drejtori i Burime Njerëzore përzgjedh me të përshtatshmit sipas kërkesave të paraqitura nga dekanati duke u bazuar në kriteret përkatëse të përzgjedhjes dhe përshkrimet e punës.
3. Për përzgjedhjen e kandidaturave, fakulteti krijon Komisionin e Përzgjedhjes, të Kryesuar nga Dekani i Fakultetit përkatës, me pjesëmarrjen e 2-3 specialistë të fushës së formimit që mbulon fakulteti. Aplikimet referohen në Komision nga Drejtori i Burimeve Njerëzore, me komentet përkatëse, lidhur me kriteret, dokumentacionin dhe formimin e aplikantit. Përzgjedhja kryhet me shqyrtim të dosjes dhe/ose me intervistë për secilin kandidat.
4. Rektori vendos mbi njërën nga kandidaturat e propozuara, pavarësisht nga renditja e paraqitur.
5. Ky vendim i përcillet Fakultetit dhe Drejtorisë së Burimeve Njerëzore.
6. Personit të përzgjedhur i komunikohet dita e nisjes së punës, përshkrimi i punës dhe paga. Si përfundim nënshkruhet kontrata dhe personi nis punën në pozicionin e ri pasi të ketë plotësuar të gjithë dokumentacionin. Kontrata firmoset nga Punëmarrësi dhe vetë Presidenti atëherë kur ky i fundit vendos.
7. Çdo dokument i hartuar ruhet në dosjen personale të krijuar në Drejtorinë e Burimeve Njerëzore. Kjo drejtori më pas paraqet shkresën për fillimin e marrëdhënieve financiare në Drejtorinë e Financës.

Dokumentacion i Nevojshëm për Dosjen Personale

Kandidatët e interesuar mund të adresohen në Drejtorinë e Burimeve Njerëzore pranë Universitetit Kristal ose të dërgojnë E-Mail në This e-mail address is being protected from spambots. You need JavaScript enabled to view it. .

Kandidati duhet të dorëzojë:

• Kërkesën për Aplikim, duke specifikuar pozicionin.
• Curriculum Vitae në gjuhën shqipe.
• Diplomë të shkollës së lartë shoqëruar me listë notash.
• Diplomë të studimeve master (nëse ka).
• Dëshmi të ndryshme kualifikimi.
• Deklaratë prezantuese nga eprori i tij apo punëdhënësi i fundit.
• Dëshmi të gjuhëve të huaja.
• Vërtetim shëndetësor nga Komisioni Mjeko-Ligjor.
• Të mos jetë i larguar nga puna për masa disiplinore në bazë të ligjit për nëpunësin e shërbimit civil në Republikën e Shqipërisë dhe Kodit të Punës.
• Fotografi 1 copë.

(Diploma universitare dhe pasuniversitare duhet të jetë fotokopje e noterizuar, mosparaqitja e plotë e dokumentacionit sjell skualifikim të kandidatit/kandidates).

Adresa e E-Mailit: This e-mail address is being protected from spambots. You need JavaScript enabled to view it.